Монголын спортын корпорациас зохион байгуулж буй “UNC-2023” 15 спорт холбооны улсын аварга шалгаруулах тэмцээн хүндийн өргөлтийн тэмцээнээр үргэлжилж байна. Улсын аварга шалгаруулах тэмцээний хүндийн өргөлтийн эмэгтэйчүүдийн 64 кг ын жинд ОУХМ Ази тивийн аваргын мөнгөн медаль Анужин огцом өргөлтөөр 99 кг-ыг өргөж Монгол Улсын рекорд амжилтыг шинэчлэн тогтоосон билээ. Тэгвэл тэрбээр 64 кг-ын жингийн түлхэлттэй өргөлтөөр 118 кг-ыг түлхэж нэг өдөр Монгол Улсын рекорд дээд амжилтыг хоёр удаа шинэчлэн тогтоолоо.