Жүдо бөхийн 2023 оны Монгол Улсын насанд хүрэгчдийн УАШТ гурван өдөр амжилттай явагдаж өндөрлөсөн билээ. Энэ оны УАШТ-нд Монголын жүдо академийн залуу тамирчин ОУХМ О.Хүслэн эмэгтэйчүүдийн -78 кг-ын жинд амжилттай барилдаж алтан медаль хүртсэн.

           Тэрбээр 2022 оны Улаанбаатарын гранд слам тэмцээний хүрэл, 2021 оны насанд хүрэгчдийн УАШТ-ий мөнгө, 2022 оны залуучуудын УАШТ-ий алтан медальтай, Монголын жүдо академийн бахархал болсон тамирчин билээ. О.Хүслэнг одоо олон улсын жүдо бөхийн холбооны гран при, гранд слам тэмцээнүүд хүлээж байна. Түүний энэ онд оролцох эхний олон улсын тэмцээн нь Португаль Улсад болох Алмадагийн гран при тэмцээн байх юм.