Монголын спортын корпорациас зохион байгуулж буй “UNC-2023” 15 спорт холбооны улсын аварга шалгаруулах тэмцээний дөрөв дэх өдөр хүндийг өргөлтийн тамирчид өрсөлдөж байна. УАШТ-ий хүндийн өргөлтийн эрэгтэйчүүдийн 61 кг-ын жинд “Алдар” спорт хорооны тамирчин Ган-Эрдэнийн Ууганбаатар бусад өрсөлдөгчдөөсөө 23 кг-аар илүү өргөж тэргүүллээ. Тэрбээр огцомоор 106 кг-ыг, түлхэлттэйгээр 120 кг-ыг өргөж, нийлбэр дүнгээр 226 кг-ын амжилтаар алтан медалийн болзол хангалаа.

           Харин мөнгөн медалийн төлөө гол өрсөлдөөн Ж:Дэмбэрэлцэрэн, М.Очир-Эрдэнэ нарын хооронд өрнөлөө. Огцом өргөлтөд М.Очир-Эрдэнэ дөрвөн кг-ын давуу байдал олж авсан ч түлхэлттэй өргөлтөөр Ж.Дэмбэрэлцэрэн өрсөлдөгчөөсөө таван кг-аар илүү өргөв. Тус жингийн алтан медалийг Г.Ууганбаатар, “Алдар” спорт хороо, огцом 106, түлхэлттэй 120, нийлбэр 226 кг, мөнгөн медалийг Ж.Дэмбэрэлцэрэн “Ээрмэл” клубийн тамирчин  огцом 88, түлхэлттэй 115, нийлбэр 203 кг, хүрэл медалийг  М.Очир-Эрдэнэ, “Хэнтий” аймгийн тамирчин огцом 92, түлхэлттэй 110, нийлбэр 202 кг өргөв.