Жүдо бөхийн 2023 оны насанд хүрэгчдийн улсын аварга шалгаруулах тэмцээний эрэгтэй, эмэгтэй ганцаарчилсан төрлийн жин тус бүрийн аваргууд тодроод байна. Өнөөдөр тэмцээний гурав өдөр холимог багийн тэмцээнээр үргэлжлэн явагдаж байна. Хэсгийн аваргын төлөө “Алдар”, “Сүлд” спорт хорооны багууд таарч барилдлаа. “Алдар” спорт хорооны баг 4:0-ээр ялж, аваргын алтан медалийн төлөө барилдахаар шалгарч үлдлээ. Яг одоо “Хилчин”, “Хүч” спорт хорооны багуудын барилдаан үргэлжилж байна. “Хүч” спорт хороо 2:1-ээр тэргүүлж явна.  Эмэгтэйчүүдийн 70 кг-ын жингийн аварга Баасанжаргалыг, 63 кг-ын жинд мөнгөн медаль хүртсэн Д.Есүй ялж шуугиан тариад байна.