Жүдо бөхийн 2023 оны насанд хүрэгчдийн улсын аварга шалгаруулах тэмцээний эхний өдрийн барилдаан өндөрлөв. Эмэгтэйчүүдийн 57 кг-ын жинд “Женко” клубийн тамирчин, Бакугийн их дуулга тэмцээний мөнгөн медальт, ОУХМ Мөнхцэдэвийн Ичинхорлоо хоёр дахь жилдээ дараалан түрүүлж байна. Тэрбээр “Алдар” спорт хорооны тамирчин Л.Намуундалайг ялж, алтан медаль хүртлээ. Энэ жингийн мөнгөн медалийг “Алдар” спорт хорооны Л.Намуундалай, хүрэл медалийг “Хилчин” спорт хорооны тамирчин О.Оюунчимэг, “Гүрү дожо” клубийн тамирчин 15 настай охин Тэрбишийн .Ариунзаяа нар хүртлээ.