Өсвөр үе, залуу бөхчүүдийн чөлөөт бөхийн анхдугаар лигийн тэмцээн өнөөдөр эхэллээ нээлтээ хийх гэж байна. Тэмцээний “U17” насны нэгдүгээр тойргийн барилдаанд "Алдар" спорт хороо, "Хасу-Мегастарс" клубууд хоорондоо таарч барилдав.

         Лигийн нэгдүгээр тойргийн 45 кг-ын жинд “Алдар”-ын Ч.Бат-Эрдэнэ, “Хасу Мегастарс”-ын У.Буянхишигт  0:12-ээр хожигдож, багийн оноо 0:1 болсон. Хоёр дахь барилдаанд 48 кг-д “Алдар”-ын Э.Балжинням,  “Хасу Мегастарс”-ын Т.Мянганбанзрагчид 0:8-аар ялагдав. Багийн оноо 0:2 болсон. Үүний дараа 51 кг-д “Алдар”-ын  П.Сумъяабазар, “Хасу Мегастарс”-ын М.Аманбект 10:12-оор хожигдож, багийн оноо 0:3-аар “Хасу Мегастарс” клуб тэргүүлж эхэлсэн.

          Харин 55 кг-д “Алдар”-ын Б.Наран-Өлзий, “Хасу Мегастарс”-ын Б.Одбилэгийг 11:0-ээр ялж, багийн оноог  1:3 болгов. Дараагийн барилдаанд 60 кг-д “Алдар”-ын М.Сумъяабазар, “Хасу Мегастарс”-ын  Ц.Уранбаярыг 14:12-оор хожиж, багийн оноог 2:3 болгож ойртуулсан юм.

           Гэтэл 65 кгд “Алдар”-ын Б.Мянганнаст, “Хасу Мегастарс”-ын Б.Тэмүүлэнд 0:5-аар хожигдож, багийн оноог  2:4 болгосон. Түүний араас 71 кг-д “Алдар”-ын Ц.Ганбат, “Хасу Мегастарс”-ын Б.Хүрэлтулгыг 10:0-ээр ялж багийн оноог 3:4 болгон ойртуулсан юм. Харин 80 кг-д “Алдар”-ын Х.Ганчөдөр, “Хасу Мегастарс”-ын Г.Сүхбатад  0:5-аар ялагдаж, багийн оноог 3:5 болгосон.

        Дараагийн барилдаанд 92 кг-д “Алдар”-ын Э.Баярбаатар 5:0-ээр ялж, багийн оноо 4:5 болов. Үүний дараа 110 кг-д “Алдар”-ын Б.Билгүүтэй, “Хасу Мегастарс”-ын Л.Анхбаярыг  3:0-ээр хожиж, багийн ялтын оноог 5:5 болгон тэнцүүлсэн юм. Гэвч бутархай оноогоор “Алдар” спорт хорооны баг хожигдлоо.