Шатрын багш, шатрын спортын олон улсын их мастер Төрмөнхийн Мөнхзулд “Монгени” цогцолбор сургуулийн захиргаанаас “Toyoto Sai” маркийн автомашин гардууллаа. Олон улсын шатрын их мастер Т.Мөнхзул 2022 онд рапид, блицийн ДАШТ-д шагналт 11 – 16 байр, 2022 оны дэлхийн шатрын 44 дүгээр олимпиадад их мастерийн сүүлийн гурав дахь нормыг биелүүлсэн. Мөн 2021 онд  Ази тивийн аварга шалгаруулах тэмцээнээс хүрэл медаль, дэлхийн цомын сонгон шалгаруулах тэмцээнд тэргүүн байр, Азийн залуучуудын аварга болсон зэрэг амжилтуудыг гаргаж байсан юм.