Дартсын Монгол Улсын аварга шалгаруулах тэмцээн энэ сарын 27-29-ний өдрүүдэд болно. 2022 онд үндэсний хэмжээнд дартсын спортоор cонирхон хичээллэгч нийт тамирчдын дунд зохион байгуулсан чансаа олгох "Үндэсний Чансаа 2022" тэмцээнд амжилттай оролцсон эрэгтэй чансааны эхний 64, эмэгтэй чансааны эхний 32 нийт 96 шилдэг тамирчид өрсөлдөнө. Энэ удаагийн улсын аваргын тэмцээн  эрэгтэй, эмэгтэй, өсвөр үеийн  ганцаарчилсан төрлүүдэд, эмэгтэй, эрэгтэй дан  хос, холимог хосын төрлөөр зохион байгуулагдана. Улсын аварга шалгаруулах тэмцээнийг Монголын дартс сонирхогчдын холбоо зохион явуулах юм.