Монголын үндэсний бөхийн холбоо 2023 оны нэгдүгээр сард болох үндэсний бөхийн барилдааны хуваарийг гаргасан байна. Нэгдүгээр сарын 7-ны өдрийн 12:00 цагаас цолгүй залуу бөхчүүдийн барилдаан болно. Харин нэгдүгээр сарын 13-ны өдрийн 14:00 цагаас Үндсэн хуулийн өдөрт зориулсан улс, аймгийн алдар цолтой 128 бөхийн барилдаан эхэлнэ.

            Нэгдүгээр сарын 21-ний өдөр “Хайрхан” нийслэлийн нэгдсэн захын нэрэмжит “Монгол Улсын начин цолтонд хүндэтгэл үзүүлэх” улс, аймгийн алдар цолтой 256 бөхийн барилдаан болох юм. Улмаар нэгдүгээр сарын 22-ны өдрийн 12:00 цагаас "Талх чихэр" компанийн нэрэмжит "Хэвийн боовны баяр"-т зориулсан аймаг, цэргийн цолтой залуу 256 бөхийн барилдаан явагдана.

          Мөн нэгдүгээр сарын 28-ны өдрийн 12:00 цагаас сумын цолтон болон залуу бөхчүүдийн ээлжит барилдаан, нэгдүгээр сарын 29-ний өдрийн 12:00 цагаас "Малчин" телевиз байгуулагдсаны 10 жилийн ойд зориулсан улс, аймгийн алдар цолтой 256 бөхийн барилдаан болно.