Монгол Улсын Засгийн газрын тохируулагч агентлаг Биеийн тамир, спортын улсын хороо, Монголын үндэсний олимпын хороо, Монгол улсын Засгийн газрын хэрэгжүүлэгч агентлаг Боловсролын ерөнхий газар, Монголын үндэсний олимпын академи хамтран “Олимпын боловсрол ба бие бялдрын хүмүүжил” сэдэвт болзолт уралдааныг 2023 оны нэгдүгээр сарын 5-ны өдрөөс тавдугаар сарын 10-ны өдрийн хооронд ЕБС- ийн дунд зохион байгуулахаар шийдвэрлэв.

        Аймаг, дүүргийн Олимпын зөвлөл, Боловсрол, шинжлэх ухааны газар, Биеийн тамир, спортын газар, хороодын хамтын ажиллагаа чухал ач холбогдолтой юм. Олимпын танхимуудын үйл ажиллагаа болон бие бялдрын хүмүүжил, биеийн тамирын хичээлийн чанар, үр дүн дээшилснээр сурагчдад олгох олимпын соёл, хүмүүжил ба олимпын боловсрол, үнэт зүйлсийг эзэмшүүлэх ажлын үүрэг, ач холбогдол нэмэгдэх болно.

       Монгол улсын эрүүл, чийрэг бие бялдартай, өндөр ёс суртахуун, хүмүүжилтэй, жинхэнэ эх оронч сэтгэлгээтэй, чанартай мэдлэг, боловсролтой бүх талын өв тэгш хөгжилтэй хүүхэд, залуучууд нь эх орныхоо хамгийн үнэт баялаг билээ. Энэ чухал үйлсэд биеийн тамир, спорт, бие бялдрын хүмүүжил, олимпизм ба спортыг үндсэн хэрэглүүр болгохын төлөө бодлого, чиглэлтэйгээр зорилго болгон ажиллаж байна.