Монгол Улсын гавьяат тамирчин, дэлхийн аваргын мөнгө, хүрэл медальт Мөнхтөрийн Лхагвагэрэл “Бөрт чоно 2022”-ын “Шилдэг эрэгтэй тамирчин”-аар тодров. Чөлөөт бөхийн хүнд жинд цахиур хагалж яваа М.Лхагвагэрэл өнгөрсөн жилийн амжилтаа бататгаж, оны шилдэг тамирчнаар дахин тодорсон юм. Тэрбээр 2022 онд дэлхийгээс мөнгөн медаль зүүж, Туркийн олон улсын тэмцээнд үзүүрлэж, Казахстаны тэмцээнээс хүрэл медальтай ирсэн төдийгүй дэлхийн чансааны гуравт эрэмбэлэгдэж байна.