АНУ-ын Лас Вегас хотод бодибилдинг, фитнессийн “Мистер олимпиа” тэмцээн болж байна. Энэ удаагийн тэмцээнд 60 орны 900 орчим тамирчин өрсөлдөж байгаа аж. Энэ тэмцээний эрэгтэйчүүдийн 70 кг-ын жинд Монгол Улсын гавьяат тамирчин Гансүхийн Дорж алтан медаль хүртжээ. Г.Дорж нь өнгөрсөн жил тус тэмцээнд түрүүлсэн бөгөөд хошой аварга болж байгаа ажээ. “Мистер олимпиа” тэмцээнийг бодибилдинг, фитнессийн спортын “олимп” хэмээн нэрийддэг бөгөөд энэхүү тэмцээнээс алтан медаль хүртсэн цор ганц монгол тамирчин нь Г.Дорж юм.