Малайз улсад жил бүр зохион байгуулдаг бартаат замын авто спортын дэлхийн аварга шалгаруулах тэмцээн 25 дахь удаагаа боллоо. Монголын тамирчин, ЦЕГ-ын Мэдээлэл, шуурхай удирдлагын төвийн Шуурхай удирдлагын хэлтсийн ерөнхий зохицуулагч, дэд хурандаа Г.Цэнгэлхүү дэлхийн аварга болсон байна. Тэрбээр бартаат замын дэлхийн есөн удаагийн аварга Малайзын тамирчин Аэ Жоогийн урилгаар тус тэмцээнд өрсөлджээ.

            Г.Цэнгэлхүү 2014 оноос хойш бартаат замын авто спортоор хичээллэж, 2017 онд “Tarantula” 4х4 хэт бартаат замын авто спортын тэмцээнээс мөнгө, 2019 онд Монголын бартаат замын авто спортын холбоо, МБЗАСХ-ноос зохион байгуулсан “Шонхор” challenge 4х4 хэт бартаат замын авто спортын тэмцээний аварга болж байжээ. Мөн 2019 оны МБЗАСХ-ны “Мазаалай” сhallenge 4х4 хэт бартаат замын авто спортын тэмцээнд амжилттай оролцсон байна.