Монголын хоккейн холбооны лигийн аварга шалгаруулах тэмцээний хоёрдугаар тойргийн тоглолт Дархан-Уул аймгийн Шарын гол сумд боллоо. Тус тэмцээн гадаа мөсөн талбайд таван өдрийн турш зохион байгуулагдаж өндөрлөлөө.

     Багууд нийт дөрвөн тоглолт хийхэд "Бласт",  "Билэгтхүү" багуудын оноо тэнцэж, улмаар хоорондын тоглолтын үр дүнгээр буюу хожил, хожигдлын харьцаагаараа “Билэгтхүү” баг хоёрдугаар тойргийн аваргаар тодорлоо. Тэмцээний хоёрдугаар байрт "Бласт", гуравдугаар байрт "Шарын гол" багууд шалгарав. Тус тэмцээний “Шилдэг хаалгач”-аар Уламбаяр “Шарын гол” баг,  “Шилдэг хамгаалагч”-аар Энхсүх “Билэгтхүү” баг, “Шилдэг довтлогч”-оор Мөнхтулга “Билэгтхүү” баг,  “Шилдгийн шилдэг тамирчин”-аар Ж.Баярсайхан “Бласт “ баг шалгарлаа.