Будапешт-2021 ДАШТ-ий хүрэл медальт, Алматы-2022 тэмцээний алтан медальт, Ази тивийн аварга “Хилчин” спорт хороо, “Женко” клубийн тамирчин ОУХМ Ёндонпэрэнлэйн Басхүү гранд слам ангиллаас ес дэх медаль, долоо дахь хүрэл медалиа хүртлээ. Тэрбээр Токиогийн их дуулгын хэсгийн барилдаанд Польшийн Патрик Ваврызек, АНЭУ-ын Гурам Давашвилиг, Францын Максим Гобери нарыг тус тус ялсан.

 Харин хагас шигшээ барилдаанд дэлхийн хошой аварга, дэлхийн аваргын мөнгөтэй медальт Жоширо Марүяматай тун тэнцүүхэн хүч үзсэн бөгөөд нэмэлт цагт торгуулиар ялагдсан. Хүрэл медалийн төлөөх барилдаанд Германы Мартин Сетцийг  хутгах мэхээр “иппон” буулгаснаар Токиогийн их дуулгаас хүрэл медаль авлаа.