Жил бүрийн арванхоёрдугаар сарын 3-ны өдрийг “Монголын хүндийн өргөлтийн тамирчдын баярын өдөр” гэж зарлан тэмдэглэхээр болжээ. Монгол Улсын гавьяат тамирчин М.Анхцэцэг 2017 оны арванхоёрдугаар сарын 3-ны өдөр  АНУ-ын Анахеимд болсон насанд хүрэгчдийн дэлхийн аваргаас анхны хүрэл медаль хүртэж байв. Хүндийн өргөлтийн спортын 61 жилийн хүлээлтийг, биелүүлж хүслийг нь гүйцэлдүүлсэн баярт сайхан үйл явдал болж байсан юм. Ийнхүү энэ  өдрийг туйванчдын баярын өдөр гэж тэмдэглэх болов.

        Хүндийн өргөлтийн баярын энэ сайхан өдөр АНУ-ын Орландо хотод ахмадын дэлхийн аварга шалгаруулах тэмцээн явагдаж байна. Тус дэлхийн аваргаас ОУХМ Б.Энхтайван мөнгөн медаль хүртэж, сайхан амжилт гаргасан баяртай мэдээ иржээ.