Киргизстан Улсын нийслэл Бишкек хотод арванхоёрдугаар сарын 20-нд чөлөөт бөхийн Poddubny Wrestling League (PWL-3) тэмцээн болно. Энэ удаагийн тэмцээн world series системээр дэлхийн шилдэг бөхчүүдийн халз барилдааны журмаар явагдах юм. Тэмцээний гол одод нь олимпын аварга, ОХУ-ын Заурбек Сидаков, Заур Угуев, олимпын медальт Артур Найфонов (ОХУ) нар өрсөлдөнө.

Мөн Амир Заре (Иран), Мээрим Жумназарова (Киргиз), дэлхийн аварга Малхас Амоян (Армен), Жоламан Шаршенбеков (Киргиз) болон манай улсын ДАШТ-ий хос медальт, гавьяат тамирчин Мөнхтөрийн Лхагвагэрэл, ДАШТ-ий хүрэл медальт, ОУХМ Төмөр-Очирын Тулга нар байх юм. М.Лхагвагэрэл Ираны дэлхийн аварга, олимпын хүрэл медальт А.Заре, Т.Тулга ОХУ-ын аварга, “шинэ од” Ибрагим Ибрагимовтой барилдах болсон байна. Тэмцээн Улаанбаатарын цагаар 22.00 цагт болох бөгөөд www.wrestlingtv.ru сайт шууд дамжуулан үзүүлэх юм байна.