Монголын хөлбөмбөгийн холбооны өндөр зэрэглэлтэй дасгалжуулагчдын хурал, зөвлөгөөн Төв аймаг дахь МХБХ-ны “Л.Сандагдоржийн нэрэмжит шигшээ багийн бэлтгэлийн төв”-д боллоо. Тус зөвлөгөөнийг нээж МХБХ-ны ерөнхий нарийн бичгийн дарга Д.Тэрбаатар үг хэлж нээсэн юм.

         Энэ удаагийн зөвлөгөөнөөр “Монголын хөлбөмбөгийн дасгалжуулагчдын ёс зүй” сэдвээр Дасгалжуулагчдийн зөвлөлийн гишүүн С.Пүрэвсүх, “Дасгалжуулагчдын боловсролын пирамид” сэдвээр МХБХ-ны дасгалжуулагчийн боловсрол хариуцсан мэргэжилтэн Э.Ганзориг, “МХБХ-ны академийн бэлтгэлийн агуулга” сэдвээр Элит академийн захирал С.Эрдэнэбат нар илтгэл тавилаа.

        Зөвлөгөөний дараа МХБХ-ны дасгалжуулагчдын зөвлөлийн хурал хийгдлээ. Дасгалжуулагчийн зөвлөлийн дарга С.Эрдэнэ-Очир “2015-2022 оны дасгалжуулагчдын зөвлөлийн хийсэн ажлын тайлан” тавилаа.