Тайланд Улсын Паттаяа хотод гар бууны спортын дэлхийн аварга шалгаруулах тэмцээн арваннэгдүгээр сарын 26-наас арванхоёрдугаар сарын 3-ны өдрүүдэд болно. Тус 19 дэх удаагийн дэлхийн аваргын тэмцээнд манай улсаас Монголын практик буудлагын холбооны ерөнхийлөгч Д.Наранбаатарын удирдлага гар бууны спортын мэргэн буудагчид оролцоно.

           Насанд хүрэгчдийн эрэгтэйчүүдийн ангилалд Ц.Дашдэмбэрэл, Б.Алтанбагана, Д.Энхбаатар нар цэц мэргээ сорих юм. Харин эмэгтэйчүүдийн ангилалд Д.Хатанзаяа, Э.Эрдэнэхалиу нар өрсөлдөх бол өсвөр үеийнхний хөвгүүдийн ангилалд Н.Амир, охидын ангилалд Д.Намуун нар өрсөлдөхөөр Тайланд Улсыг зорьсон байна. Гурван жил тутамд зохион байгуулагддаг ДАШТ-д манай улсын тамирчид хоёр дахь удаагаа оролцох гэж байгаа юм.