Улс тунхагласны баярын өдөр буюу арваннэгдүгээр сарын 26-ны өдөр чөлөөт бөх, жүдо, буудлага, таэквондогийн тамирчид төрдөө хөдөлмөрөө үнэлүүлж, төрийн дээд одон медалиар энгээрээ мялаана. Чөлөөт бөхийн тамирчдаас дөрвөн гавьяат тамирчин төрөх нь тодорхой болсон.

       Тодруулбал, олимп, дэлхийн хүрэл медальт Б.Болортуяа, дэлхийн аваргын гурван удаагийн хүрэл медальт Б.Шоовдор, дэлхийн аваргын мөнгө, хүрэл медальт М.Лхагвагэрэл, дэлхийн аваргын хүрэл медальт Д.Отгонжаргал, буудлагын дэлхийн аварга хошой мөнгө медальт Ц.Мөнхзулд гавьяат тамирчин цол олгох чимээ байна.

    Харин жүдо бөхөөс нэг гавьяат төрөх бололтой. Тэр тамирчин нь Токиогийн олимпын хүрэл медальт, дэлхийн аварга ОУХМ Цэнд-Очирын Цогтбаатар байх болно. Үүнээс гадна Монголын пара таэквондогийн үндэсний шигшээ багийн тамирчин Г.Болор-Эрдэнэ, Х.Энхтуяа нар Монгол Улсын гавъяат тамирчин цол тэмдгээр шагнуулах аж.