Дэлхийн аваргын хошой мөнгөн медальт, Ази тивийн аварга, Азийн наадмын мөнгөн медальт, Зүүн Азийн наадмын аварга, Монгол Улсын гавьяат тамирчин Оюунбилэгийн Пүрэвбаатар 1973 оны арваннэгдүгээр сарын 23-ны өдөр мэндэлжээ.

   Тэрбээр “Софи-2001”, “Тегеран-2002” дэлхийн аварга шалгаруулах тэмцээнээс мөнгөн медаль, “Солт-Лейк-2002” дэлхийн цомын хүрэл, “Бусан-2002” Азийн наадмын алт, “Бангкок-1998”-ын мөнгө, “Тегеран-1997” Азийн аварга шалгаруулах тэмцээн, “Бусан-1997” Зүүн Азийн наадмын аварга, Иван Ярыгиний “Алтан гран при”, Тусгаар тогтнолын цом, Александр Медведь, Дан Колов, Борис Будаев, Лайпцег, Акрополис, Рожу Кулоны олон улсын “А” зэрэглэлийн тэмцээний аварга юм.

Харин Яшар Догугийн мөнгө, хүрэл медальт, Шамиль Умахановын олон улсын тэмцээний хүрэл медальт, “Монгол говь” олон улсын тэмцээний тав, Монгол Улсын долоон удаагийн аварга тамирчин билээ.