Монгол Улсын ардчилсан шинэ Үндсэн хууль батлагдсан түүхэн өдрийг тохиолдуулан УИХ-аас оюуны спортыг дэмжих зорилгоор УИХ-ын даргын ивээл дор жил бүр шатар сонирхогчдын аварга шалгаруулах тэмцээнийг зохион байгуулдаг билээ. Шатар сонирхогчдын улсын аваргын 11 дэх удаагийн тэмцээний анхан шатны тэмцээн арваннэгдүгээр сарын 26-27-ны өдрүүдэд болж, сум, дүүргийн аваргуудыг шалгаруулах юм.

        Харин хагас шигшээ тэмцээн 2022 оны арванхоёрдугаар сарын 17-18-ны өдрүүдэд болж, аймаг, нийслэлийн аваргуудыг шалгаруулна. Шигшээ тэмцээн 2023 оны нэгдүгээр сарын 7-8-ны өдрүүдэд Төрийн ордонд болж, улсын аваргыг тодруулах юм.

     Тэмцээний эрэгтэй, эмэгтэй ангилалд эхний гурван байр эзэлсэн шатарчид шатрын спортын дэд мастер цол олгодог. Харин тэргүүн байр эзэлсэн шатарчид Ази тивийн шатрын аварга шалгаруулах тэмцээнд Монгол Улсаа төлөөлөн оролцох эрх авдаг билээ.