Монголын бүжгийн спортын холбоо, Нийслэлийн биеийн тамир, спортын газартай хамтран бүжгийн спортын багш дасгалжуулагчийн лиценз олгох сургалт эхэллээ.Сургалтын эхний өдрийн хичээл стандартын бүжгүүдээр эхэлж байна.

    Тус сургалтыг МБСХ-ны дэд ерөнхийлөгч, олон улсын шүүгч Г.Мөнхцэцэг удирдан явуулж байгаа юм. Дүүргүүдэд зохион байгуулагдсан анхан шатны сургалтад хамрагдагсдыг чадваржуулах, бүжгийн спортын сургалт явуулж буй клуб, сургалтын төвийн багш нарт мэдлэг олгох зорилготой.

    Энэ удаагийн сургалтад Улаанбаатар хотоос гадна Төв, Өвөрхангай аймгуудын багш нар идэвхитэй хамрагдаж байна. Сургалт гурван өдөр үргэлжилнэ.