Белград-2022 чөлөөт бөхийн дэлхийн аварга шалгаруулах тэмцээний эмэгтэйчүүдийн 53 кг-ийн жингийн мөнгөн медальт ОУХМ Батхуягийн Хулан энэ өдөр мэндэлжээ. Тэрбээр монголын чөлөөт бөхийн тамирчдаас дэлхийн дэвжээнээс хүртсэн 23 дахь мөнгөн медалийг эх орондоо авчирсан юм.

    Дэлхийн аваргад ОУХМ Б.Хулан эхний тойрогт “Нур-Султан-2019” ДАШТ-ий хүрэл медальт, 2018 оны Жакартагийн Азийн наадмын аварга Энэтхэгийн Винеш Фогатыг 7:0-ээр, Казахстаны Жюлдиз Эшимоваг 3:0-ээр, улмаар Азербайжаны Лейла Гурбанова, Шведийн Эмма Малмгрин нарыг цэвэр ялсан. Дэлхийн аваргын алтан медалийн төлөө АНУ-ын бөх Пан Америкийн аварга Доминик Пэрришт 4:2-оор хожигдож мөнгөн медаль хүртсэн билээ.