Арабын нэгдсэн Эмират улсын Фужайрах хотод зохион байгуулагдаж буй 45 дахь удаагийн шатрын бодлого бодолтын дэлхийн аварга шалгаруулах тэмцээн болж байна. Энэ удаагийн дэлхийн аваргад  “Алдар” спорт хорооны тамирчин шатрын их мастер С.Билгүүн амжилттай оролцжээ.

     Дэлхийн 20 гаруй орноос шилдэг 82 бодогч оролцсон тус тэмцээнд шатрын их мастер С.Билгүүн боломжит 90 оноос 77.75 оноо авч шагналт дөрөвдүгээр байр эзэлсэн байна. Ийнхүү тэрбээр бодлого бодолтын их иастер цолны анхныхаа нормыг биелүүллээ. Дэлхийд шатар тоглолтын болон бодлого бодолтын төрлөөр давхар их мастер цолтой 10 хүрэхгүй тамирчин байдаг гэдгийг зохион байгуулагчид хэлж онцгой амжилт ойрхон байгааг манай тамирчинд сануулжээ.

     С.Билгүүн III үе хүртэл тэмцээнийг тэргүүлж байсан хэдий ч “HELPMATE” буюу хамжаа мадны үе дээр чухал оноонуудыг алдаж медалиас атгаад алдсан байна. Цаашид ямар нөөц бололцоо байгааг харуулсан сайхан тэмцээн боллоо.