Батлан хамгаалах яамны харьяа “Алдар” спорт хороо 2022-2023 оны сургуулийн жилийн сургалт бэлтгэлийн төлөвлөгөөний дагуу “Хувь хүний хөгжил” сэдэвт удирдах бүрэлдэхүүний заах арга зүйн цугларалтыг зохион байгууллаа.

        Хоёр өдөр үргэлжилсэн тус сургалтад “Алдар” спорт хорооны багш, дасгалжуулагчдын бүрэлдэхүүн “Хувь хүний хөгжил”, “Санхүүгийн боловсрол” гэсэн ерөнхий сэдвүүдийн хүрээнд сургалт, дадлагад хамрагдахын зэрэгцээ “Чингис хаан”-ы музейг үзэж сонирхлоо.

        Мөн энэ үеэр мансууруулах бодис, утаат болон электрон тамхины хор хөнөөлөөс сэргийлэх, цэргийн алба зохион байгуулах заавар, байгууллагын дотоод журам, хувь хүний санхүү зэрэг сэдвээр холбогдох албаны мэргэжлийн хүмүүс ирж бие бүрэлдэхүүнд мэдээ мэдээллийг хүргэсэн юм.