"Торонто-1993"  дэлхийн аварга шалгаруулах тэмцээний хүрэл медальт, Азийн наадам болон Азийн аварга, 1993 оны “Дэлхийн шилдэг бөх”, Монгол Улсын гавьяат тамирчин Цэрэнбаатарын Цогтбаярын нэрэмжит чөлөөт бөхийн насанд хүрэгчдийн анхдугаар тэмцээн арваннэгдүгээр сарын 10-12-нд Монголын бөхийн өргөөнд үргэлжилж байна.

       Гавьяат тамирчин Ц.Цогтбаярын  “дэлхийн шилдэг бөх” болсны 30 жилийн ойд зориулан зохион байгуулж буй чөлөөт бөхийн олон улсын тэмцээний үеэр үе үеийн шавь нарын төлөөлөл нь “PRIUS 41” маркийн авто машин , 30 сая төгрөгөөр хүндэтгэл үзүүлэв.

      Эх орныхоо, шавийнхаа төлөө тэмцэж яваа түүний хувьд  спортын ертөнцөд ороод 40 жилийн хугацаанд 1500 гаруй хүүхдүүдэд чөлөөт бөхийн хичээлийг заажээ. Энэхүү хугацаанд гавьяат тамирчин дөрөв, ОУХМ 40 гаруй,  спортын мастер 100 гаруй,  спортын дэд мастер 200 гаруй тамирчдыг төрүүлэн гаргасан байна.