Мексик Улсын Гуадалахар хотод таэквондогийн насанд хүрэгчдийн дэлхийн аварга шалгаруулах тэмцээн арваннэгдүгээр сарын 13-22-ны өдрүүдэд болно. Энэ удаагийн  дэлхийн аваргын тэмцээнд манай улсаас Үндэсний шигшээ багийн дасгалжуулагч Д.Лхагвадоржийн удирдлага дор гурван тамирчин өрсөлдөх юм.

    Тэмцээний эрэгтэйчүүдийн 63 кг-ын жинд Э.Буяншагай, 68 кг-д Ц.Баянбат, 80 кг-д А.Азбаяр нар тулалдана. Тус тэмцээнийг олон улсын шүүгч Н.Эрдэнэбаатар дэнслэхээр өнөөдөр Мексик Улсыг зорив. Олимпын таэквондогийн насанд хүрэгчдийн ДАШТ-ээс монголын тамирчид медаль хүртэж байгаагүй бөгөөд хамгийн өндөр амжилт нь 2015 онд С.Янжинлхам, 2017 онд М.Түмэнбаяр нар шагналт тавдугаар байрт орж байжээ.