Казахстан Улсын Алмата хотноо энэ сарын 5-6 -ны өдрүүдэд зохион байгуулагдсан аэробик гимнастикийн клубүүдийн аварга шалгаруулах олон улсын анхдугаар нээлттэй тэмцээнд Хөвсгөл аймгийн Биеийн тамир,спортын газрын баг, МУБИС-ийн Биеийн тамирын сургуулийн дэргэдэх өсвөрийн “ГЕЙНЕР” клубийн баг, “Шинэ-Өнөөдөр” бүрэн дунд сургуулийн баг, “ДЭЭГИЙ” клубийн баг тамирчид буюу нийт 19 тамирчид оролцож гурван мөнгө, таван хүрэл медаль хүртсэн амжилтыг үзүүллээ.

    Энэхүү тэмцээнд оролцож буй баг тамирчдыг ахалж, ОУХМ дасгалжуулагч Б.Ичинхорлоо, ОУХМ дасгалжуулагч С.Дэлгэрмаа нар ажилласан байна. Хөвгүүдийн  9-11 насны ганцаарчилсан төрөлд Т.Тамир хүрэл медаль, хосын төрөлд Т.Тамир, Д.Ундрал нар мөнгөн медаль, гуравласан төрөлд Б.Гантуул, Д.Ундрал, З.Туул нар хүрэл медаль, багийн төрөлд Т.Тамир, Г.Анударь, З.Туул, Д.Ундрал, Б.Гантуул нар гуравдугаар байр эзэлжээ.

    Харин 9-11 насны бүжгийн төрөлд Б.Гантуул, З.Туул, Д.Ундрал, Г.Анударь, Э.Марал-Эрдэнэ, Г.Мишээл, Б.Гэрэлт-Од, З.Энхсаруул нар хүрэл медаль, 12-14 насны хосын төрөлд Д.Өнөболд, Н.Ганчимэг нар мөнгөн медаль, гуравласан төрөлд Д.Өнөболд, Б.Дөлгөөн, Н.Ганчимэг нар хүрэл медаль хүртжээ. Бүжгийн төрөлд Д.Өнөболд, Н.Ганчимэг, Б.Дөлгөөн, Э.Амингэрэл, Г.Ариунгэрэл, Ө.Энхтунгалаг, А.Мишээл, П.Намуун нар мөнгөн медаль хүртсэн байна.