Олон улсын олимпын хорооны Эв санааны нэгдлээс ивээн тэтгэн МҮОХ-ноос зуны олимпын хөтөлбөрт багтсан "Брейкинг“ төрлийн дасгалжуулагчид, тамирчдыг чадваржуулах сургалт зургаан өдөр үргэлжлэн “Олимпик хаус”-т хаалтын ажиллагааг зохион байгууллаа.

     Сургалтын удирдагч багш ДБСХ-ны удирдах зөвлөлийн гишүүн, ДБСХ-ны Брейкинг хэлтсийн тэргүүн Bboy Bojin (Тайвань) нь Монгол Улсад уригдан ирж ажилласандаа таатай байгаагаа илэрхийлэхийн зэрэгцээ брейкчиддээ олимпын үзэл санааг ухамсарлан тасралтгүй бэлтгэл сургуулилт хийн, тууштай хичээллэхийг уриаллаа.

      Хаалтын үйл ажиллагааны үеэр Bboy Bojin, МБСХ, брейкинг төрлийн удирдлагуудыг МҮОХ-ны ерөнхийлөгч Б.Баттүшиг хүлээн авч, олимпын наадамд шинээр багтсан энэхүү төрлийг дэмжиж ажиллахаа илэрхийллээ. Ирэх онд зохион байгуулагдахаар төлөвлөгдөж буй олимпын эрхийн оноо цуглуулах сорил тэмцээнүүд болно.