Йордан Улсын нийслэл Амман хотод боксын Ази тивийн аварга шалгаруулах тэмцээн энэ сарын 31-нээс арваннэгдүгээр сарын 13-ны өдрүүдэд  болно. Тус тэмцээнд Монгол Улсаас дасгалжуулагч Ж.Энхтөр, О.Батхүү, Б.Эрдэнэбаяр нарын удирдлага дор эрэгтэй ес, эмэгтэй найман тамирчин хүч үзнэ.

Манай боксчдоос эрэгтэйчүүдийн 48 кг-ын жинд О.Өнөболд, 51 кг-д Х.Энхмандах,  54 к-д Д.Ганболд, 57 кг-д Г.Лундаа, 60 кг-д Б.Буяндалай, 63.5 кг-д  Б.Төгөлдөр, 67 кг-д Б.Чинзориг, 71 кг-д О.Бямба-Эрдэнэ, 75 кг-д Ж.Отгонжаргал нар тулалдана

Харин эмэгтэйчүүдийн 48 кг-ын жинд  Б.Жанаргуль, 50 кг-д Б.Мөнгөнсаран, 52 кг-д Л.Алтанцэцэг, 54 кг-д О.Есүгэн, 57 кг-д М.Намуун, 60 кг-д Т.Номин-Эрдэнэ, 63 кг-д У.Шинэцэцэг, 70 кг-д Э.Эрдэнэтуяа нар энэ удаагийн Ази тивийн аваргын рингэнд тулаан хийх юм.