Азербайжан Улсын Баку хотод ирэх сарын 4-6 өдрүүдэд жүдо бөхийн “Баку их дуулга 2022” тэмцээн болно. Энэ удаагийн гранд сламд  63 орны эрэгтэй 227, эмэгтэй 164, нийт 391 тамирчин барилдахаар мэдүүлэгээ өгөөд байна. Манай улс залуу тамирчдаа илгээх бололтой.

Эмэгтэйчүүдийн 48 кг-ын жинд Б.Баасанхүү, 52 кг-д Л.Сосорбарам, 57 кг-д Т.Ариунзаяа, 63 кг-д С.Лхагвадулам, 70 кг-д Ц.Мөнгөнтуяа, -78 кг-д Б.Ням-Эрдэнэ, +78 кг-д О.Хүслэн нар барилдана. Харин эрэгтэйчүүдийн барилдаанд ОУХМ Б.Эрхэмбаяр, Б.Нармандах, О.Уранбаяр, Л.Анхзаяа, Г.Болор-Очир, Б.Мөнхбаяр, Б.Гончигсүрэн нар хүч сорихоор мэдүүлэг өгсөн байна.