Тайванийн  Тайнан хотод сагсан бөмбөгийн 3х3 ээлжит “Тайнан” дэлхийн гран при тэмцээн зохион байгуулагдаж өндөрлөв. Тус гран прид оролцсон манай улсын “Улаанбаатар ММС Энежри” баг гуравдугаар байрт шалгарлаа.

     Манай баг хасагдах шатанд Польшийн “Варшав” багийг 19:10 харьцаатай оноогоор буулган авсан.  Хагас шигшээ тоглолтод  дэлхийн аварга Сербийн “UB Huishan Ne” багт 20:17-ын харьцаатай оноогоор  хожигдсон.  “Тайнан” гран при тэмцээний тэргүүн байрыг дэлхийн аварга Сербийн “UB Huishan Ne” баг, хоёрдугаар байрт Бельгийн “Antwerp” баг, гуравдугаар байрт манай улсын “Улаанбаатар ММС Энежри” баг орлоо.