Олимпын хүрэл медальт, ОХУМ Ц.Цогтбаатар жүдо бөхийн дэлхийн аварга шалгаруулах тэмцээнээс алтан медаль хүртсэн билээ.

  Тэгвэл тэрбээр өөрийн цахим хуудастаа  “Хүүхэд байхаасаа мөрөөдөж, авахыг зорьж байсан медалиа аваад гэртээ ирлээ. Сайхан байна аа. Энэхүү амжилтын минь ард сайхан гэр бүл минь мөн манай багийн хүчирхэг эрч хүчээр дүүрэн охид, залуус, дасгалжуулагч нар болон ар тал болдог байгууллагууд байгаа шүү гэдгийг хэлэхэд таатай байна.

     Энэ жилийн зорилгоо болгосон тэмцээн маань сайхан болж дууслаа. Бүгд их ядарсан байх багахан хугацаанд гэр гэртээ гурилтай шөлөө идээд сайхан тухтай орон дээрээ сайн унтаад амраад аваарай. Бидний аялал дуусах болоогүй шүү. Зургаан сарын дараа 2023 оны дэлхийн аварга шалгаруулах тэмцээн дахиад л болно. Катар Улсын Доха хотод очиж түймэр тавиацгаая. Гаргасан алдаагаа засаад, дутуу нь дутуугаа гүйцээгээд урагшаа залуусаа! Манай багт олон олон алтан медаль байгаа гэдэгт итгэж байна. Түүний төлөө хамтдаа хичээцгээе. Хамтын хүч амжилт" гэв.