Волейболын залуучуудын УАШТ-д "Энагурэ" баг түрүүлжээ

2022-10-06, 756

Монголын Залуучуудын улсын аварга шалгаруулах волейболын тэмцээн амжилттай зохион байгуулагдаж өндөрлөлөө. Уг тэмцээн есдүгээр сарын 29-ний өдөр эхэлж8 өчигдөр буюу аравдугаар сарын 05-нд аваргуудаа тодрууллаа.

Уг тэмцээн дээд лигийн өмнө зохион байгуулагдаж байгаа гэдгээрээ онцлог бөгөөд тэмцээнд оролцсон шинэ залуу баг, тамирчид дээд лиг рүү дэвшин тоглох боломж ч байж болохоор харагдав. Тэмцээний эрэгтэйчүүдийн ангилалд 15, эмэгтэйчүүдэд 10 баг өрсөлдсөн юм. Энэ тэмцээн залуучуудын ангиллын 2022 оны гурав дахь тэмцээн болж байна. Залуучуудын УАШТ-д “Залуу монгол”, “Хөвсгөл шинэ үе” багууд анх удаа өрсөлдлөө.

Тэмцээний эмэгтэй төрөлд дараах гурван баг медальт байранд шалгарсны дээр түрүүлсэн "ЭНАГУРЭ" баг найм дах удаагаа түрүүлжээ.

Нэгдүгээр байр: Жан Жи Хунг эзэнтэй, Г.Бадамхорол менежертэй, ОУХМ Б.Хэрлэн ахлах дасгалжуулагчтай, С.Булгантамир ахлагчтай Амин бүрд ХХК-ний "ЭНАГУРЭ"

Хоёрдугаар байр: Г.Бат-Эрдэнэ эзэнтэй ОУХМ Р. Тамираа ахлах дасгалжуулагчтай Б.Цолмон ахлагчтай УЛААНБААТАР КЛУБ

Гуравдугаар байр: А.Ганхуяг эзэнтэй Ж.Эрдэнэбат менежертэй А.Батжаргал ахлах дасгалжуулагчтай Э.Номин-Эрдэнэ ахлагчтай Тэнүүн-Огоо ХХК-ны "ТЭНҮҮН ЗАЛУУ МОНГОЛ”

Тэмцээний эмэгтэй төрлийн шилдэг тоглогчдоор:

Шилдэг хамгаалагч: Тэнүүн-Огоо багийн тамирчин Э.Эрдэнэ-Энх

Шилдэг давуулагч: Тэнүүн-Огоо багийн тамирчин Г.Саруулгэрэл

Шилдэг холбогч: Энагурэ багийн тамирчин Д.Анужин

Шилдэг довтлогч: Улаанбаатар клубын тамирчин Ж.Баянжаргал

Шилдэг Тэгш тоглогч: Энагурэ багийн тамирчин С.Булгантамир

Шилдэг дасгалжуулагч: Энагурэ багийн дасгалжуулагч Б.Хэрлэн

Волейболын залуучуудын УАШТ-д "Энагурэ" баг түрүүлжээ

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.eccold.top хариуцлага хүлээхгүй.