Монголын жүдо академи оролцсон томоохон тэмцээн болгоныхоо дараа тамирчдынхаа барилдаануудад видео анализ хийдэг билээ. Суралцагчдынхаа ур чадвар, мэдлэг оюуныг хөгжүүлж сайжруулах зорилготой энэхүү төсөл нь 2021 оноос хойш хэрэгжиж байгаа юм.

     Өнгөрөгч сарын 24-нөөс 26-ны өдрүүдэд явагдсан МУГТ Д.Нармандахын нэрэмжит өсвөрийн тэмцээнд видео анализ хийлээ. "Их Шавь" салбарт явагдсан тус арга хэмжээнд Жүдо академийн тамирчдаас гадна тэдний эцэг эх, асран хамгаалагчид ирж оролцлоо. Энэ удаагийн видео дүн шинжилгээний онцлох тамирчин нь М.Өсөх-Ирээдүй байлаа.  Тэрбээр 11 настай өсвөрийн тамирчин. Түүний Эрдэнэтийн тэмцээний үеэр хийсэн хөл мэхний бичлэгийг Японы шигшээ багийн дасгалжуулагч Масарү Момосэ үзээд "Маш сайн ур чадвар" хэмээн магтан share хийсэн байсан гэдгийг онцлов.

    Эрдэнэт хотод амжилттай барилдсан бусад тамирчдын бичлэгээс тэдний давуу болон сул тал, алдаа дутагдлуудыг нь Жүдо академийн багш нар энэхүү видео анализын үеэр онцлон ярьж, сургамжтай заавар зөвлөгөөг өгсөн юм.