Дархан багийн дасгалжуулагч Ч.Батцэрэн агсны нэрэмжит ахмад мастеруудын хөлбөмбөгийн тэмцээнд 15 багийн 200 тамирчид оролцов. Тус тэмцээн Дархан хотын “Найрамдал” талбайд дөрвөн өдрийн турш үргэлжилж өндөрлөв. Энэ удаагийн тэмцээний хаалтын ажиллагаанд Дархан-Уул аймгийн Засаг даргын орлогч Б.Жавхлан, “Дархан” музей дарга Жамбалдорж, Шарын гол сумын хоккейн ахмад зүтгэлтэн Х.Энхтайван нар хүрэлцэн ирж Монголын ахмад үеийн шилдэг тамирчдад хүндэтгэл үзүүлжээ.  Мөн үеэр хоёр тамирчин хөлбөмбөгийн спортын мастер цолоор энгэрээ мялаалаа.