Өнөөдөр Монгол Улсын гавьяат дасгалжуулагч, “Женко” клубийн самбо, жүдо бөхийн дасгалжуулагч Шархүүгийн Цэвэлмаа багшийн төрсөн өдөр тохиож байна. Ш.Цэвэлмаа багш Монгол Улсад самбо, жүдо бөхийг дэлгэрүүлэгчдийн нэг “Монголын жүдо бөхийн загалмайлсан эцэг” хэмээх Монгол Улсын гавьяат дасгалжуулагч Ч.Машбат агсны шавь билээ.

  Ш.Цэвэлмаа багшийг монголд төдийгүй, дэлхий дахинд андахгүй танина. Түүний шавь нараас дэлхийн аварга, олимпын хүрэл медальт, Хөдөлмөрийн баатар, гавьяат тамирчин М.Уранцэцэг, дэлхийн аваргын хүрэл медальт, гавьяат тамирчин Б.Одончимэг, дэлхийн аваргын хүрэл медальт, Монгол Улсын гавьяат тамирчин Б.Мөнгөнчимэг, Ази тивийн хошой аварга, ОУХМ П.Лхамдэгд, Азийн наадмын аварга, ОУХМ Г.Наранчимэг гээд тив, дэлхийд нэр алдартай тамирчид төрөн гарсан билээ.   

    Ш.Цэвэлмаа багшдаа  спорт сонирхогчдынхоо өмнөөс төрсөн өдрийн баярын мэнд хүргэж, ажил, амьдралд нь аз жаргал, эрүүл энх, сайн сайхан бүхнийг хүсэн ерөөе. Шавь нараас нь олимп, дэлхийн медальтнууд, аваргууд олон төрөн гарах болтугай.