Олон улсын таэквондогийн Монголын холбооны “Мөнх хөх сүлд” клубийн нэрэмжит, тус клубийн 15 жилийн ойд зориулсан нээлттэй тэмцээн энэ сарын 24-25-ны өдрүүдэд болно. Тэмцээн түль буюу хөдөлгөөнт тоот дасгал, массоги буюу тулаан, хосен сүль буюу зохиомол тулааны төрлөөр явагдана.

   Түлийн тэмцээн нь зэрэгтэй тамирчдын болон олон улсын дантай тамирчдын гэсэн хоёр ангиллаар болох аж. Харин тулааны тэмцээн нь өсвөр үеийн 13 нас хүртлэх, 14-17 нас, насанд хүрэгчдийн 18-39 насны ангиллаар зохиогдох юм. Хоссен сүль буюу зохиомол тулааны төрөлд нэг клубээс хоёр баг оролцож болох ажээ.