Хичээл, сургалтын үйл ажиллагаа жигдэрч байгаа энэ үед сурагчид МҮОХ-г зорьж, Олимпын музейтэй танилцсаар байна. Өнөөдөр Баянгол дүүрэг дэх “Оюуны Ундраа” цогцолбор сургуулийн зургадугаар ангийн төлөөлөл болсон сурагчид Олимпын музей үзлээ.

     Энэ үеэр “Оюуны Ундраа” сургуулийн англи хэлний багш Г.Энхтуяа “Сурагчдыг багаас нь спортод сонирхолтой болгох зорилгоор Олимпын музей үзүүлж байна. Гоё музей байдаг юм байна. Цаашид илүү олон хүүхэд ирж үзээсэй гэж хүсэж байна” хэмээн ярив. Олимпын музей ажлын бүх өдрүүдэд хүүхэд, залууст нээлттэй бөгөөд үнэ төлбөргүй. Оюутан, сурагчид та бүхнийг анги хамт олноороо хүрэлцэн ирж Олимпын музей үзэхийг урьж байна.