Монголын үндэсний пара хөнгөн атлетикийн ууган гавьяат тамирчин, ОУХМ Ж.Лхагважавын нэрэмжит Дүнжингарав бүх нийтийн марафон энэ сарын 25-ны өдөр болно. Тэрбээр бүтэн марафон гүйлтээр  Седней 2000  паралимпын наадмын наймдугаар байр, Афин 2004  паралимпын их наадамд зургадугаар байрт шалгарч байв. 

   Ж.Лхагважав Азийн наадмын хоёр алт, гурван мөнгөн медальтай. 2011 онд Турк Улсын Анаталиа хотноо зохион байгуулсан дэлхийн наадмын мөнгөн медальтай бөгөөд Монгол Улсын 12 удаагийн аврага тамирчин юм.

   Энэ удаагийн Дүнжингарав марафон нь бүх нийтийн биеийн тамирыг дэмжих зорилгоор олимпын төрөл болон паралимпын төрлийн тамирчид, энгийн иргэд болон хөгжлийн бэрхшээлтэй иргэд хамтран оролцож байгаагаараа давуу талтай.