Белград 2022 дэлхийн аварга шалгаруулах тэмцээний эрэгтэйчүүдийн 61 кг-ын жингийн хагас шигшээ барилдаан болж 23 хүртэлх насны ДАШТ-ий хүрэл медальт ОУХМ Нармандахын Наранхүү хүрэл медалийн төлөө барилдахаар боллоо.

    Тэрбээр хоёрны нэг шигшээ барилдаанд олимп, дэлхийн аваргын тавдугаар байрын шагналт, Ази тивийн аварга Ираны хашир туршлагатай бөх Реза Атрийг 3:1-ээр ялж яваад цаг дуусахын өмнө оноо алдаж,  3:5-аар ялагдлаа.

   Н.Наранхүү өнөөдөр  хүрэл медалийн төлөө барилдана. Тэрбээр 22 настай гэхэд сайн барилдаж байна. Анх удаа дэлхийн аваргад орж буй болохоор сэтгэл зүйн тактикийн бэлтгэл л дутлаа. Ираны бөх Реза Атри, Наранхүүгийн алдаан дээр ажиллаж ялсан. Бусдаар бол Иранаас илүү байлаа. Дараа жилийн дэлхийн аваргад алтан медаль өвөртлөх боломж түүнд байна.