Морьт харвааны олон улсын аварга шалгаруулах “Хийморь” наадмыг эхэллээ. Тус наадам амралтын өдрүүдэд буюу энэ сарын 10,11-ний өдөр “Чингис хааны хүрээ” аялал жуулчлалын цогцолборт зохион байгуулагдах юм. Энэ жилийн наадамд найман орны 30 гаруй тамирчид оролцохоор Улаанбаатарт ирээд байна. Цар тахлын жилүүдэд цахимаар зохион байгуулагдсан.

    Харин 2019 онд Монголд өргөн дэлгэр болсон юм байна. Тухайн тэмцээнд 17 орны 41 тамирчин оролцож байжээ. Морьт харваа бол Монголын эртний түүхтэй нягт холбоотой наадам билээ. Нийслэлийн Аялал жуулчлалын газар, Монголын морьт харваачдын холбоо хамтран морьт харвааны олон улсын аварга шалгаруулах “Хийморь” наадмыг зохион байгуулж байна.