Монголын волейболын эрэгтэй шигшээ баг Киргизстан Улсын Чолпон-Ата хотноо “Челленж кап-2022” тэмцээнд оролцож байна. Ази тивийн волейболын холбооноос зохион байгуулж буй энэхүү гурав дахь удаагийн тэмцээнд Киргизстан, Узбекистан, Саудын Араб, Монгол гэсэн дөрвөн улсын баг, тамирчид өрсөлдөж байгаа юм.

   Монголын шигшээ баг энэ сарын .29-ний  өдөр тэмцээний эхний тоглолтоо талбайн эзэн Киргизстаны эсрэг хийж, гурван үеийн турш 25:21, 27:25, 25:14 гэсэн харьцаатай оноогоор хожиж, анхны ялалтаа авлаа. Дараагийн тоглолтоо манай залуучууд Саудын Арабын эсрэг хийнэ.