Ерөнхий сайд Л.Оюун-Эрдэнэ зөвлөхүүдээ томилох томилгооны ажлаа эхлүүлсэн байна. Тэрбээр У.Хүрэлсүхийн танхимын сайдаар ажиллаж байсан Л.Цэдэвсүрэнг Хууль зүйн бодлого хариуцсан зөвлөхөөр томилжээ. 

 2020 онд Боловсрол, шинжлэх ухааны сайдаар ажиллаж байсан тэрээр 1994 онд МУИС-ийн Хууль зүйн сургуулийг төгссөн, хуулийн магистр цолтой.

Соёлын яамнаас ажлын гараагаа эхэлж, 1996-2000 онд Гэгээрлийн яаманд хуулийн зөвлөхөөр, 2000 оноос БСШУСЯ-нд Хуулийн хэлтсийн даргаар, Төрийн нарийн бичгийн даргаар тус тус ажилласан. Тэрбээр төрийн албанд 25 жил ажилласан туршлагатай юм.