Засгийн газрын өнөөдрийн хураллдаанаас гаргасан шийдвэрийг танилцуулж байна.

        Энэ үеэр Тэргүүн шадар сайд болон Эдийн засаг, хөгжлийн сайд Н.Учрал "Засгийн газрын дөрвөн жилийн үйл ажиллагааны хөтөлбөрт тусгасан 149 төсөл байгаа. Энэхүү төслийг эрэмблэх Засгийн газрын тогтоол батлагдлаа. 149 хөгжлийн төслийг хэрэгжих боломжоор нь нэгээс таван оноогоор дөрвөн бүлгийн 14 үзүүлэлтээр үнэлж, эрэмбэллээ. Төслийн хэрэгжилтийг харах юм бол 149 төслийн 105 нь буюу 70 хувь нь хэрэгжиж эхлээгүй байна. Төслийн бэлэн байдлыг харгалзан, техник, эдийн засгийн үндэслэлтэй 85 төсөл, техник, эдийн засгийн үндэслэлгүй 54 төсөл, тэзү шаардлагүй хоёр төсөл, тэзү тодотгол хийгдэж байгаа найман төсөл байна. Санхүүжилтийн их үүсвэрээр нь ангилбал  улсын болон орон нутгийн төсвөөс 44 төсөл санхүүжнэ, гадаад зээл тусламжаар 26, төр, хувийн хэвшлийн түншлэлээр 17, холимог эх үүсвэртэй 15, зээлийн их үүсвэр огт шийдвэрлэдээгүй 22 төсөл байна. Улсын төсөвт туссан байдлаар нь авч үзвэл 2025 оны 13 төсөл, 2026 онд 14 төсөл суусан. Хоёр долоо хоногийн өмнө Засгийн газрын хурлаар 14 мега төслийг үнэлсэн. Ингээд аравдугаар сарын 31-нд ирэх таван жилийн үндсэн чиглэлийг их хуралд өргөн мэдүүлнэ" гэв.