МАН-ын Бага хурлын үеэр Б.Жавхлан сайдыг Дарханы гишүүдээ өрөөнд нь цоожилж, санал хураалтад оролцуулаагүй гэх яриа гарсан. Энэ талаар Сангийн сайд Б.Жавхлангаас сэтгүүлчид тодрууллаа. Тэрбээр "Нам, төрийн ажлыг ялгаж, салгаж ойлгох хэрэгтэй. Хэсэг хүн хэлмэгдэхээс болгоомжилж би нэг зүйлийг хэлье. Манай намын Бага хурал бараг 24 цаг болсон. Бага хурлын гишүүд байнга сандал дээр суугаад байх боломжгүй. Босож суух, хоол унд идэх шаардлага үүснэ. Сүүлийн санал хураалт дээр ирц багассан байсан ч манай Дарханы гишүүд маш идэвхтэй оролцож, саналаа өгсөн. Хэлмэгдүүлэхийн оронд талархах хэрэгтэй. Надад цоожлуулаад сууж байдаг Бага хурлын гишүүн гэж байх уу. Нэг өрөөндөө хоол идээд байж байсан нь үнэн" гэлээ.