УИХ-ын чуулганы хуралдаан болж байна. Энэ үеэр Монгол Улсын 2025 оны Төсвийн тухай хуулийг  яаралтай хэлэлцэх эсэхийг дэмжих асуудлаар санал хураалт явууллаа. Санал хураалтыг гишүүд 81.1 хувьтай дэмжсэнээр Төсвийн тухай хуулийг яаралтай хэлэлцэх шийдвэр гарлаа.

     Засгийн газрын ээлжит бус өчигдрийн хуралдаанаар Монгол Улсын 2025 оны төсвийн тухай, Нийгмийн даатгалын сангийн 2025 оны төсвийн тухай хуульд өөрчлөлт оруулах тухай, Эрүүл мэндийн даатгалын сангийн 2025 оны төсвийн тухай хуульд өөрчлөлт оруулах тухай хуулийн төсөл болон эдгээр хуулийн төсөлтэй холбогдуулан боловсруулсан бусад хууль тогтоомжийн төслүүдийг хэлэлцэн УИХ-д өргөн барихаар шийдвэрлэсэн юм.