Сүхбаатар дүүргийн ЗДТГ-ын даргыг түр орлон гүйцэтгэгч Н.Одончимэг бусдаас их хэмжээний хахууль авч байгаад үйлдэл дээрээ баригдаж, хуулийнханд саатуулагдсан. Хууль, хяналтын байгууллагын зарим эх сурвалж “Н.Одончимэг дүүргийнхээ “Сэлбэ” нэгдсэн эмнэлгийг барих тендерт ялсан барилгын компанийн удирдлагуудаас их хэмжээний мөнгө хахуульд авч байсан бололтой. Тус компаниас удаа дараа хахууль авч байсан байх магадлалтай баримтууд олдсон” гэж мэдээлээд байгаа юм.

Тэгвэл Н.Одончимэгийг эрүүл мэндийн шалтгаанаар суллаж, гадуур байцааж байна.

       Тэрбээр Сүхбаатар дүүргийн ЗДТГ-ын даргын түр орлон гүйцэтгэгчээр томилогдоод удаагүй байсан билээ. Энэ талаар Сүхбаатар дүүргийн Хэвлэл мэдээлэл, олон нийттэй харилцах хэлтсийн мэргэжилтнээс тодруулахад “Н.Одончимэгийг Сүхбаатар дүүргийн ЗДТГ-ын даргаас нь чөлөөлсөн. Түүний оронд Ө.Энхбаяр гэж хүнийг ЗДТГ-ын даргын түр орлон гүйцэтгэгчээр томилсон” гэлээ.