УИХ-ын чуулганы хуралдаанаар Цөмийн энергийн тухай хуульд нэмэлт өөрчлөлт оруулах тухай хуулийн төслийг үргэлжлүүлэн хэлэлцэж, зарчмын зөрүүтэй асуудлаар санал хурааж байна. Тиймээс УИХ-аар энэ асуудлыг чуулганы үдээс өмнөх болон хойших хуралдааныг дамнан хэлэлцэж гишүүд олон асуулт тавьж, хариулт авсан юм. Энэ үеэр УИХ-ын гишүүн С.Ганбаатар “Монгол Францын хамтарсан ураны төслийн хөрөнгө оруулалтын гэрээнд Монгол Улс есөн хувийн АМНАТ авах ёстой” гэв.  Харин УИХ-ын гишүүн Н.Батсүмбэрэл “С.Ганбаатар гишүүн буруу  ярьж байна. Уран бол хөрөнгө оруулалтын гэрээ биш. Цөмийн энергийн тухай хуулийн нэмэлт, өөрчлөлт. 

     Их хуралд олон жил суучихаад мэддэг царай гаргадаг ах нар больцгоо. Эх оронч дүр эсгэж эх орны эсрэг ажилладаг ах нар маскаа тайл. Худлаа попорч эх оронч царай гаргадаг, бие биеэ хамгаалж хэвшицгээсэн энэ байдлаасаа салцгаа” гэв.